ہارون آباد میں طالبہ کی فائرنگ سے نوجوان جاں بحق، ہراسانی اور بلیک میلنگ کا الزام
ہارون آباد میں پیش آنے والے ایک افسوسناک واقعے میں پی ایچ ڈی کی طالبہ کی فائرنگ سے ایک نوجوان جاں بحق ہو گیا۔
پولیس کے مطابق ابتدائی تحقیقات میں سامنے آیا ہے کہ مقتول مبینہ طور پر طالبہ کو ہراساں اور بلیک میل کرتا تھا، جس کے باعث دونوں کے درمیان تنازع پیدا ہوا۔ واقعے کے بعد پولیس نے فوری کارروائی کرتے ہوئے شواہد اکٹھے کر لیے ہیں جبکہ مختلف پہلوؤں سے تحقیقات جاری ہیں۔
پولیس حکام کا کہنا ہے کہ اصل حقائق مکمل تفتیش اور قانونی کارروائی کے بعد سامنے آئیں گے، جبکہ واقعے نے علاقے میں تشویش کی فضا پیدا کر دی ہے۔
