عوام کیلئے خوشخبری سولر پینلز کی قیمتوں میں بڑی کمی

اسلام آباد(نیوز ڈیسک) سولر پینلز کی قیمتوں میں نمایاں کمی ہوئی ہے۔ لاہور میں 5 سے 15 کلو واٹ تک کے سسٹم کی قیمت میں ڈیڑھ لاکھ روپے تک کی کمی ہوئی ہے۔ نجی ٹی وی چینل کے مطابق مارکیٹ میں 5 کلو واٹ سسٹم کی قیمت 5 لاکھ 50 ہزار روپے اور 7 کلو واٹ سسٹم کی قیمت 6 لاکھ 25 ہزار روپے ہوگئی ہے۔

10 کلو واٹ سسٹم کی قیمت 900,000 روپے ہے جبکہ 12 کلو واٹ سسٹم کی قیمت 1050,000 روپے رکھی گئی ہے۔ 15 کلو واٹ سسٹم کی قیمت 1.3 ملین روپے رکھی گئی ہے۔ دوسری جانب وفاقی حکومت نے سولر سسٹم کے ذریعے بجلی پیدا کرنے والے صارفین پر عائد 16 فیصد جنرل سیلز ٹیکس کو عارضی طور پر معطل کر دیا ہے۔ حکومت نے یہ فیصلہ شمسی صارفین کی طرف سے دائر نظرثانی کی درخواست منظور ہونے کے بعد لیا ہے۔ صدر مملکت نے سولر جی ایس ٹی سے متعلق اپیل منظور کرتے ہوئے کیس کو دوبارہ سماعت کے لیے وفاقی ٹیکس محتسب کو بھجوا دیا۔ صدر مملکت نے ہدایت کی کہ وفاقی ٹیکس محتسب اس معاملے کی تفصیلی تحقیقات کرے۔