حمیرا اصغر کی پوسٹ مارٹم رپورٹ میں ہوشربا انکشاف

کراچی: ڈیفنس کے فلیٹ میں مردہ پائی گئی ماڈل اور اداکارہ حمیرا اصغر کی لاش ملنے کے واقعے کی ابتدائی تحقیقات میں اہم انکشاف سامنے آیا۔

تفصیلات کے مطابق ماڈل اور اداکارہ حمیرا اصغر کی موت کی گتھی سلجھانے کیلئے پولیس کی تحقیقات جاری ہے، فلیٹ سےملنے والی ماڈل کی لاش کئی دن پرانی تھی۔

پولیس کا کہنا ہے کہ ابتدائی تحقیقات میں انکشاف ہوا کہ حمیرا منشیات کا استعمال بھی کرتی تھی تاہم اداکارہ کی لاش کا پوسٹمارٹم مکمل کرلیا گیا ہے، حتمی رپورٹ پر حقائق سامنے آئیں گے۔

علاقہ مکینوں نے بتایا ماڈل دوہزاراٹھارہ سے کرائے کےفلیٹ میں تنہا رہتی تھیں اور ایک سال سے کرایہ نہ دینے پرمالک مکان نےکیس کیا ہواتھا۔

پولیس کا کہنا ہے اہلخانہ حمیرا اصغر سے قطع تعلق کرچکے تھے، انہوں نے لاش بھی وصول کرنےسے انکار کردیا ہے۔

یاد رہے گذشتہ روز کراچی میں ڈیفنس فیز 6 اتحاد کمرشل میں فلیٹ سے خاتون کی لاش ملی تھی، 35 سالہ حمیرہ فلیٹ میں 7 سال سے اکیلی رہ رہی تھیں۔

حکام کا کہنا تھا کہ واقعہ ابتدائی طور پر طبعی معلوم ہوتا ہے، تاہم پوسٹ مارٹم کے بعد پتا چلے گا جبکہ فلیٹ کو سیل کر دیا گیا ہے۔

پولیس کےمطابق کمرے سے موبائل فون اور حمیرا اصغر علی کی تصاویر والی میگزین ملی ہےموبائل سم حمیرا اصغر کے نام سے رجسٹرڈ ہے۔