غیرت کے نام پر دوہرے قتل کا کیس، ملزم سردار شیر باز عدالت میں پیش

چند روز قبل کوئٹہ کے علاقے ڈیگاری میں ایک مرد اور خاتون کے قتل کے واقعے پر عوام میں شدید غم و غصہ پایا جا رہا ہے۔ واقعے کے سوشل میڈیا پر آنے کے بعد حکام نے نوٹس لیا اور کیس میں اہم پیش رفت ہوئی ہے۔

مقدمے میں نامزد مرکزی ملزم سردار شیر باز ساتکزئی کو انسدادِ دہشتگردی عدالت میں پیش کیا گیا، جہاں جج محمد مبین نے کیس کی سماعت کی۔ پولیس کی تحقیقاتی ٹیم نے ملزم کے جسمانی ریمانڈ کی درخواست کی، جس پر عدالت نے سردار شیر باز کو دو روزہ جسمانی ریمانڈ پر تفتیشی ادارے کے حوالے کر دیا۔

تفتیشی حکام کے مطابق اس دوران کیس کے محرکات، سہولت کاروں اور پس پردہ حقائق کی جانچ کی جائے گی۔ عدالت نے ہدایت دی ہے کہ ریمانڈ مکمل ہونے کے بعد ملزم کو دوبارہ عدالت میں پیش کیا جائے۔