pakistan

طلبا کی غیر اخلاقی ویڈیوز بنا کر سوشل میڈیا پر اپلوڈ کرنے والا سرکاری استاد گرفتار

مانسہرہ میں ایک سرکاری سکول کے ٹیچر کو طلبا کی غیر اخلاقی ویڈیوز بنانے اور سوشل میڈیا پر اپ لوڈ کرنے کے الزام میں گرفتار کر لیا گیا۔ ملزم کے خلاف لساں نواب تھانے میں مقدمہ درج کیا گیا ہے۔

نجی ٹی وی چینل آج نیوز کے مطابق پولیس کا کہنا ہے کہ ملزم طفیل کے خلاف مقدمہ متاثرہ لڑکی کے بھائی ولید خورشید کی مدعیت میں درج کیا گیا۔ ملزم نے متاثرہ لڑکی کے بھائی کو میسینجر پر کچھ غیر اخلاقی ویڈیوز بھیجیں، جس کے بعد معاملہ منظر عام پر آیا۔ متاثرہ لڑکی نے تصدیق کی کہ یہ ویڈیوز اسی کی ہیں، جب کہ دیگر بچیوں کو بھی بلیک میل کیا جاتا رہا۔

ملزم پہلے ہائی سکول جندور میں تعینات تھا اور تبادلے کے بعد ہائی سکول پڑھنہ منتقل ہو گیا تھا۔ پولیس نے کارروائی کرتے ہوئے ملزم کو ڈب مانسہرہ سے گرفتار کر لیا ہے۔

ڈی پی او مانسہرہ اور ایس پی سٹی کی نگرانی میں تحقیقاتی ٹیم تشکیل دے دی گئی ہے، جو مزید شواہد اکٹھے کر رہی ہے۔ پولیس کا کہنا ہے کہ اس واقعے میں ملوث دیگر افراد کے بارے میں بھی تفتیش جاری ہے۔

Leave a Reply

Your email address will not be published. Required fields are marked *