فرح یوسف نے اقرار الحسن سے علیحدگی کی خبروں پر خاموشی توڑ دی

معروف صحافی اور اینکر پرسن فرح یوسف نے اپنے شوہر اقرار الحسن سے علیحدگی کی خبروں کی تردید کر دی۔
حال ہی میں سوشل میڈیا پر دونوں کے درمیان تعلقات کے خاتمے کی افواہیں گردش کر رہی تھیں، جن پر فرح نے پہلی بار وضاحت دیتے ہوئے کہا کہ ہمارے درمیان کوئی علیحدگی نہیں ہوئی، لوگ اپنی مرضی سے خبریں بنا لیتے ہیں۔

ایک مداح کے سوال پر کہ کیا وہ اقرار الحسن سے الگ ہو چکی ہیں، فرح نے بتایا کہ ان کے نام کے ساتھ “یوسف” ان کے والد کی پہچان ہے، جس پر وہ فخر کرتی ہیں۔
انہوں نے کہا، “باپ کے رشتے سے زیادہ قیمتی کوئی رشتہ نہیں، اسی لیے میں نے سوشل میڈیا پر اپنا نام ‘فرح یوسف’ لکھا ہے۔”

فرح نے مزید کہا کہ ان کے کچھ پرانے سوشل میڈیا اکاؤنٹس پر ویریفکیشن کی وجہ سے نام تبدیل نہیں ہو سکتا، اس لیے وہاں پرانے نام موجود ہیں۔
انہوں نے مداحوں سے اپیل کی کہ غیر مصدقہ خبروں پر یقین نہ کریں کیونکہ دونوں نام — فرح یوسف اور فرح اقرار — ان کے لیے محترم ہیں۔

یاد رہے کہ فرح یوسف نے اپنا صحافتی کیریئر 2007 میں شروع کیا تھا اور اب اپنا یوٹیوب چینل چلا رہی ہیں۔ وہ اقرار الحسن کی دوسری اہلیہ ہیں جبکہ اقرار کی تین شادیاں ہوچکی ہیں۔ 🌸