لاہور میں نامعلوم شخص کی لڑکی پر تشددکی فوٹیج منظر عام پر

واقعہ آمنہ سہیل نامی لڑکی کے گھر سے سودا سلف لینے نکلنے کے دوران پیش آیا۔

سی سی ٹی وی فوٹیج میں دیکھا جا سکتا ہے کہ ملزم نے موٹر سائیکل پر گھر سے نکلنے والی لڑکی کو روک کر تشدد کا نشانہ بنایا۔ لڑکی کی والدہ، فرزانہ سہیل، نے تھانہ میں مقدمہ درج کرانے کے لیے درخواست دے دی ہے۔ درخواست میں کہا گیا ہے کہ ملزم پہلے بھی بیٹی کو تنگ کرتا رہا اور واقعہ کے روز اغواء کرنے کی کوشش بھی کی گئی۔

پولیس نے فوری کارروائی کرتے ہوئے ملزم کو گرفتار کر لیا ہے۔ ملزم کی شناخت شاہ زیب کے نام سے ہوئی ہے۔ پولیس کے مطابق ملزم سے مزید تحقیقات کا سلسلہ جاری ہے۔